domenica 15 aprile 2018

Napule Arte e tradizioni. ( Omaggio alla città di Napoli e ai suoi sapori, in particolare la pizza)



Tra nu vico e 'na canzona,
panni spase 'a nu balcone,
t'accarezza chell'addore
ca te dice ca staje 'a Napule.

Basta poco pe' ff''a scena...

nc'è chi magne nu cazone
assettato annanz' 'o bancone.
nc'è chi avascia nu panaro 
affacciannes' 'o balcone,
quill''a sotto lle 'ncartoccia
musciuncielli 'e fritto misto.

Po' lle raje 'na tiratella 
e 'o panaro saglie saglie 
e lle purta fin''a 'ncielo
'e meraviglie ‘e chesta terra.

Nc' è chi corre e ampresse ampresse
se fa fa 'na pizza fritta, 
po' nce sta’chi 'o tiempo 'o ttene, 

assettate ncoppa 'o muro
c 'o prufummo e chella pizza, 
regne 'o stommaco affamato.


'Stamm'' a Napule, dice 'o turiste 
alla moglie schizzinosa,
nun nce sta' n'ato paese
ca te daje, chistu scenario 
senza malizia e né pretese!

Guarda gua'! È tutto vero 
pure 'o mare nunn'è 'na tela, 
stu tiatro ll'appartene, 

face parte  'e sta città.

Passe e corre 'nu criature,
'a cuparse d''o futuro!

Guarda, guarda, quant' è bella,
quann''abballa 'a tarantella!
Sempe allera e pure si chiagne,
nun se veste mai c''o niro 
pecché tene na natura 

fatta sulo cu 'e culure e pe scialle 
tene 'o sole,
'a ricchezza, 'e sta' città!

20/12/2017
Anna Giordano