Nu mistero, nu segreto
Annascuso dint’ ‘a ll’uocchie nire tuoie,
me struje ll’anema.
E vvote appena nu surriso,
na smorfia,
ncoppa’ ‘a faccella toia!
Nun t’annasconnere
adderet’ ‘e nnuvole
Comme fa ’a luna pe ncantà,
guardame nfaccia…
Spuogliate, levate stu velo.
Lassame astregnere
ra stu filo ‘e veleno doce.
Che bbello sarria pe mme
murì dint’ a ll’immenzità
ca lentamente se perde int’ ‘o mistero.
Salvatore de Chiara.
Il pezzo poetico introduttivo,
qui sotto riportato è stato tratto dal dramma, in tre atti,
‘’Pescatori’’ di: Raffaele Viviani,
ed è stato adattato da Salvatore De Chiara.
"Voce sceta a Ninna dillo 'o turmiento
'e chesta anima mia...
chi arrepose cchiu'
so' notte chiara ma nun ce staje tu
e dint'o scure chiammo a Ninna
e Ninna responne
ma e' ll'eco d' 'o mare e nun ce staje tu..."
